呢度就係我屋企啦!

又再開始睇呢本小說... 之前睇左 2,3 次都完唔到... 唔係話佢悶到我要放棄... 反而事實呢本係一本不可多得o既傑作... 完唔到只係因為私事放低左.. 放低左一段時間就咁續睇落去又唔好... 不如就唔睇住....

其實銀河英雄傳說係一本科幻包裝o既政治小說... 裡面包含左好多政治概念... 獨裁，民主，議會 etc... 有興趣o既會覺得係將人類歷史濃縮左呢部小說裡面... 無興趣o既都會覺得人物描寫，戰術運用都寫得好有娛樂性...

銀河英雄傳說足足有 10 篇... 作者係田中芳樹... 佢o既其他書我就無睇過.. 不過佢o既創龍傳就有動畫化.... 我覺得好 ZzzzZzzz.....

HDTV 係咪一個新名詞? 當然唔係 la... 其實所有水平高於 720 線o既影像就泛稱為 HDTV... 而且唔一定同 TV 有關... 宜家睇到o既 DVD 其實都算低解像 (NTSC: 720x480 PAL: 720x576)

HDTV 唔係新鮮野... 美國，日本，南韓已經有 HDTV 廣播幾年.. 日本仲舊年完成全國覆蓋... 只要有一部附合制式o既電視機就可以收到... 日本 HDTV 解像仲去到 1920x1080 (Bs-Hi)... 配合大電視真係無敵.... 美國/南韓點我就唔係太清楚... 不過少量美國電影已經有 HDTV 影碟版賣... 暫時未有 HDTV 影碟機... 要睇就要用電腦... 要求好高呢... 最好就係 at least 3GHz P4....

香港下年都會有數碼 HDTV 廣播 .... 不過制式竟然到今日都未決定! 仲話會試播 5 年就強制性全港數碼廣播 (有說要滲透率超過 70% 先強制)!

其實呢 d 野都係想大家睇 d 好 d o既影像質素同埋數碼化後就可以開多 d 台... 不過我諗諗... 其實香港點搞 d 人都係睇無線 ga la... 開多 d 台 d 人都唔會睇... 仲有香港人對影像質素o既要求似乎亦唔高... 偷拍版 VCD 都好多人睇到好開心... 搞呢 d HDTV "局"人換電視機可能會好多人反對... 未有人反對可能係因為好多人唔知 (唔睇報紙個 d) or 仲未知咩係數碼 HDTV... 香港人 d 屋咁細... 就算有錢都放唔落 d 大電視...  唔用大電視要咁高解像做咩? 睇到李英愛 d 眼眉毛係唔係咁重要?

仲有我覺得強制性換電視係好大問題... 好多無親人老人家都係要靠電視過日神... 無 lala 要換電視先睇到"香港直播"? 點解先... 換電視 d 錢邊個比先... 應該留返個 choice 呱...

Yahoo 真係值得讚... 我覺得 PhotoMail 真係好易用... 將 ease of use 推前左一步..

咩係 PhotoMail.. 大家可以睇下呢度... 簡單黎講就係 email 本身已經係 photo album o既 interface... 有咩咁特別? 同入 web photo album 睇有咩分別? 我覺得就係好多 user o既 level 仍然唔可以話高.... 如果用 web photo album.. 又要 register... 又可能要 verify email.... share 相比人又要搞好多野... 其實好多 user 係一頭霧水的... 不過 email + attachment 呢個模式就易好多....

不過 PhotoMail 係唔 support Firefox 的... 呢個對我呢 d Firefox fans 黎講就真係麻煩.... 除左 windowsupdate + e-banking + msn service... 我已經放棄 IE 好耐 la

http://www.feedburner.com

5 分鐘前o既明報即時新聞話曾蔭權 d 錦鯉死左.....

嘩 .. 洗唔洗大家夾錢送返比佢? 民望高 d 都唔係咁 ma.. 何況有 30% 人唔支持佢做特首 (包括我)....

香港人真係易滿足... 只要飛起老董就邊個做特首都無所謂.... 曾蔭權有咩建樹? 佢做財爺個時經濟好 d? 調轉先係 wor... 經濟好個時佢咁岩係財爺姐... 大家要記得 1997 年炒家衝擊泰銖個時係佢話香港唔會有人敢衝擊... 咩都無做... 結果最後要千億港元入市同炒家砌過....

可能遲 d 佢失眠又要報導? 買左咩衫又要報導? Shit... 香港亡矣

Google 將有衛星圖片o既 Google Maps 改名做 Google Earth.. 其實都應該 la... 有埋衛星圖片wor... 我第一次睇到真係佩服得好緊要.... Google d 野永遠都係出奇不意... 仲要個個月都有新 service... Yahoo 比起黎 marketing noise 已經輸左

Google Maps 已經 cover 左美國+英國... 英國個 Google Maps 係無衛星圖片.. 所以未叫做 Google Earth UK 住... 其他地方未有 Google Maps 添... 不過第 3 個有 Google Maps o既好大可能係中國大陸.... 因為 Google 已經收購左一間內地 online 地圖公司.....

當然好野一定有人學.... Microsoft 學人直頭係佼佼者 la... MSN Virtual Earth 又話會出 wor... 雖然大家都用 Windows XP... 不過我覺得 Microsoft o既 online service 比起 Google/Yahoo 應該差好遠呢...